चालत यायचा...दागिने चोरायचा आणि क्षणात गायब व्हायचा मंगळसूत्र चोर मिस्टर इंडिया

 प्रतिनिधी
ठाणे              
ठाणे पोलिसांच्या वर्तकनगर पोलिसांनी अशा एका चोराला अटक केलीये जो कोणत्याही गाडीचा वापर न करता महिलांच्या गळ्यातील सोन्याचे मंगळसूत्र खेचून क्षणार्धात गायब व्हायचा.
या चोराच्या अटकेमुळे मंगळसूत्र चोरीची एक नवीन मोडस ऑपरेंडी समोर आली आहे. तर या चोराच्या अटकेमुळे ठाण्यातील अनेक मंगळसूत्र चोरीचे गुन्हे उघडकीस येणार आहेत.
मंगळसूत्र चोरी म्हणजे धूम स्टाईल गाडीवरुन येऊन महिलांच्या गळ्यांतील सोन्याचे दागिने खेचून धूम ठोकणे. असे मंगळसूत्र चोरीचे प्रकार आपण पाहिले असतील किंवा ऐकले असतील दुर्दैवाने आपल्या सोबत घडले ही असतील. सोन्याच्या किंमती रोज गगनाला भिडत आहेत. 1 तोळे सोन्या करता 40 हजार रुपयांपेक्षा ही जास्त पैसे मोजावे लागतात. आणि आपल्या इथे महिलांच्या गळ्यात किमान 1 तोळे सोन्याचा दागिना असतोच... याचाच फायदा घेत धूम स्टाईल महिल्यांच्या गळ्यातील दागिने चोरण्याचे प्रकार घडतात. पण गाडीचा वापर न करता महिलांच्या गळ्यातून दागिने चोरुन क्षणात चोर गायब होतो असे प्रकार ठाण्यात घडत होते.
खरंतर गेल्या काही दिवसांत ठाण्यातील अनेक पोलीस स्टेशन मध्ये महिला गळ्यातील दागिने चोरल्याची तक्रार करायला यायच्या पण चोर गाडीवरुन न येता चालत आला आणि चोरीकरुन डोळ्या समोरच गायब झाला अशा तक्रारींवर पोलिसांचाही विश्‍वास बसत नव्हता. कारण गाडीचा वापर न करता महिलांच्या गळ्यातील दागिने चोरणारा चोर हा प्रकार पोलिसांकरताही नवीनच होता.
पोलिसांच्या अटकेत असलेल्या या बुरखाधारी 28 वर्षीय तरुणाचे नाव आहे मिलिंद सुतार. जेमतेम शिक्षण घेतलेल्या बेरोजगार मिलिंदला महागड्या लाईफ स्टाईलची चटक लागली होती.
 याकरता त्याने ठाण्यात अनेक ठिकाणी छोटी मोठी कामे केली आहेत मात्र त्याला पैसे कमीच पडत असल्याने तो चोरी करू लागला. चोरीकरता त्याने ठाणे शहरातील गल्ली बोळांनाच आपल्या चोरीचा एक महत्वाचा भाग बनवला. कारण मिलिंदला ठाण्यातील एकूण एक गल्ली बोळांची माहिती होती.
 सावज हेरुन कट रचल्या नुसार सावज सापळा लावलेल्या ठिकाणी येताच तिझ्या गळ्यातील दागिने चोरायचे आणि ज्या महिलेचे दागिने चोरलेत तिला काही कळण्या आतच बाजूच्या गल्ली बोळांतून मिलिंद गायब व्हायचा ही चक्रावून टाकणारी मंगळसूत्र चोरीच्या मोडसमुळे ठाणे पोलिसही चक्रावून गेले होते.