1 जणांचा मृत्यू, आकडा वाढण्याची भिती
नाशिक:मालेगाव-देवळा रस्त्यावर एसटी बस-अपे रिक्षा यांच्यात जोरदार धडक होऊन दोन्ही वाहने एका विहिरीत कोसळली. या भीषण अपघातात सात जण ठार झाले आहेत. मृतांची संख्या वाढण्याची भीती व्यक्त करण्यात येत आहे. या अपघातात 19 जण जखमी झाले आहेत. जखमींना उपचारासाठी स्थानिक रुग्णालयात दाखल करण्यात आले आहे.
एसटी बसचा टायर फुटल्याने बसने अपे रिक्षाला धडक दिली. कळवण डेपोची उमराणे - देवळा बस आणि रिक्षा दोन्ही विहिरीत कोसळल्या. धोबीघाटजवळील देश-विदेश हॉटेलजवळ हा अपघात झाला. घटनास्थळी प्रचंड गर्दी जमली आहे. मदतकार्यही सुरू आहे.
नाशकात एक विचित्र अपघात घडला. यामध्ये एसटी आणि अ‍ॅपे रिक्षामध्ये जोरदार धडक होऊन दोन्ही वाहनं विहिरीत कोसळली. मालेगाव-देवळा रस्त्यावर हा भीषण अपघात झाला. या अपघातात पाच जणांचा मृत्यू झाला आहे. मृतांची संख्या वाढण्याची भीती व्यक्त करण्यात येत आहे. घटनास्थळी अग्निशमन दल आणि पोलीस पोहोचले असून बचावकार्य सुरु आहे.
कळवण डेपोची एसटी महामंडळाची उमराणे-देवळा बस मालेगाव येथून धोबीघाट मेशीकडे जात होती. यादरम्यान, धोबीघाटजवळील देश-विदेश हॉटेल जवळ एसटी आणि रिक्षा या दोघांमध्ये जोरदार धडक झाली. बसचा टायर फुटल्याने बसने रिक्षाला धडक दिल्याची माहिती आहे. ही धडक इतकी भीषण होती की, अपघातानंतर बस आणि रिक्षा दोन्ही वाहने विहिरीत कोसळली. अपघात झाल्यानंतर घटनास्थळी मोठी गर्दी झाली. सध्या वाहनांना विहिरीत काढण्याचं आणि प्रवाशांना वाचवण्यासाठी बचाव कार्य सुरु आहे.
बसची मागील काच फोडून बसमधील प्रवाशांना बाहेर काढले जात आहे. बसमधून काही प्रवाशांना बाहेर काढण्यात जवानांना यश आले असून जखमी प्रवाशांना मालेगाव देवळा येथील रुग्णालयात, तर काहींना उमराणे येथील शासकीय रुग्णालयात दाखल करण्यात आले आहे. मात्र, या एसटीमध्ये नेमके किती प्रवासी होते याबाबत अद्याप कुठलीही माहिती नाही.
