तिचा येतो अश्‍लिल व्हिडिओ कॉल...नंतर करते ब्लॅकमेल

नाशिक ः गेल्या काही दिवसात सोशल मीडियाचा वापर मोठ्या प्रमाणात होत आहे. चांगल्या कामासोबतच वाईट कामांसाठीही सोशल मीडियाचा वापर केला जातो. दरम्यान, असाच एक अनुभव नाशिकच्या तरुण वकिलाला आला. एका अनोळखी नंबरवरून एका मुलीने त्याला व्हिडिओ कॉल केला. तोंडाला कपडा बांधलेल्या या मुलीने काही वेळातच अश्‍लिल चाळे करण्यास सुरुवात केली. या तरुणाने देखील काही वेळ हा व्हिडिओ बघितला. मात्र, त्यावेळीच त्या मुलीने या मुलाचा व्हिडिओ बघतानाचा प्रसंग स्क्रिन रेकॉर्डरच्या मदतीने रेकॉर्ड केला. त्यानंतर तो यू ट्यूबवर टाकत पैशाची मागणी केली. तीन हजार रुपये दिले तरच हा व्हिडिओ काढेल, असे म्हणत तरुण वकिलाला तिने ब्लॅकमेल केले. नंतर तरुणाने सायबर पोलिसात धाव घेतली.
तरुणाईकडून सर्वाधिक विविध सोशल मीडियाचा उपयोग केला जातो. यात सोशल मीडियावर जास्तीत जास्त वेळ घालवणार्‍या तरुणांना काही भामट्यांकडून टार्गेट केले जाते. त्यानंतर बदनामी टाळण्यासाठी तरुणाईकडून पैसे दिले जातात. त्यामुळे फसवणूक होणार्‍यांमध्ये तरुणाईची संख्या मोठी असल्याचे सायबर तज्ज्ञ सांगतात.दरम्यान, व्हिडिओ कॉल करण्यासाठी वेगवेगळ्या टेक्निक वापरून कॉल केला जातो. प्ले स्टोरवरून कॉलिंग करण्यासाठीचे अ‍ॅप्लिकेशन अथवा इंटरनेटवरील फ्री कॉलिंग करणार्‍या वेबसाईटचा वापर करून व्हिडिओ कॉल करत फसवणूक केली जाते.