घरातील त्रासाला कंटाळून कुटुंबातील तिघांची आत्महत्या

प प्रतिनिधी
डोंबिवली
घरातील त्रासाला कंटाळून एकाच कुटुंबातील तिघांनी आत्महत्या केल्याची घटना डोंबिवली मधील नेळजे गावात घडली आहे. पती शिवराम पाटील यांनी पत्नी दिपीका पाटील, यांच्यासह मुलगी अनुष्का पाटील या चिमुकलीसह आत्महत्या केली आहे. आत्महत्या करण्याअगोदर त्यांनी सुसाइड नोट तिघांनी लिहून ठेवली आहे. घरात सतत सुरू असलेल्या भांडणाला कंटाळून आम्ही आत्महत्या असल्याचं नोटमध्ये म्हंटल आहे. तसेच या सुसाईड नोटमध्ये त्रास देणार्‍या व्यक्तींची नावं सुद्धा लिहून ठेवण्यात आली आहे. आम्हाला त्रास देणार्‍या दोषींवर कठोर कारवाई करण्यात यावी तसंच आमची सर्व संपत्ती अनाथआश्रमाला दान करण्यात यावी असं सुद्धा या नोटमध्ये लिहून ठेवण्यात आलं आहे. याप्रकरणी पोलिसांनी सदर घटनेचा तपास सुरू केला आहे.